Google ADS

Aksion i madh kundër drogës në Shqipëri, Rama: 233 shpërndarës të drogës të arrestuar brenda natës, 23 rrjete kriminale të shkatërruara

12:21 | 14 Shtator 2023
E.H

233 shpërndarës të drogës janë arrestuar gjatë gjithë natës së mbrëmshme në Shqipëri.

Kështu ka njoftuar kryeministri i Shqipërisë, Edi Rama i cili ka thënë se ka qenë një super operacion i Policisë së Shtetit, shkruan Arbresh.info

Sipas Ramës, shpërndarësit e drogës kishin në shënjestër nxënësit e shkollave.

Operacion antidroge në Tiranë, shkatërrohet rrjeti shpërndarës i drogës me mbi 100 persona

“Pas një hetimi të imtësishëm e mbledhjeje të provave në të gjitha qarqet e vendit janë shkatërruar 23 rrjete kriminale dhe është neutralizuar një burim i rrezikshëm dëmi për shëndetin e më të rinjve, ndërkohë që kjo është një tjetër provë e ngritjes së luftës kundër krimit të organizuar në një nivel të ri”, ka shkruar Rama në Facebook.

“Një duartrokitje e fortë për Policinë e Shtetit, e cila dita-ditës po rrit forcën goditëse ndaj keqbërësve të çdo lloji dhe po afirmon fuqinë e saj si garante e rendit, sigurisë e qetësisë publike në çdo komunitet”, tha tutje Rama./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm